Kulturhusleiar

Om stillinga

Gullbring kulturhus i Bø er den kulturelle storstova i Midt-Telemark kommune og eit hus for folkehelse; ein sosial møteplass og arena for kunst- og kulturlivet, idretten, frivilligheita, skule, helse og utdanning. Vår kulturhusleiar begynner i ny jobb, - difor lyser vi ut stillinga.

Kulturhuset driv kafé/kiosk, idrettshall, svømmehall/folkebad, kino og arrangement. I tillegg leiger kulturhuset ut lokale til kulturskulen, andre kommunale tenester, frivillige lag og eksterne aktørar. Universitetet i Søraust-Noreg er den største leigetakaren. I 2028 opnar kommunen nytt folkebibliotek i kulturhuset.

Arbeidsoppgåver

• Ansvarleg for avdelinga sine leveransar innan økonomistyring, personalleiing, HMS og internkontroll
• Ansvarleg for det samla programtilbodet og profilen til kulturhuset
• Inngår og følger opp leigeavtalar og kontraktar, og har ei viktig vertsskapsrolle overfor leigetakarar, artistar og publikum
• Overordna ansvar for planlegging, organisering og gjennomføring av den daglege drifta
• Prioriterer og følgjer opp tiltak i tett samarbeid med huseigar, basert på interesse og forståing for teknisk drift av kultur- og idrettsbygg
• Deltek i gjennomføring av arrangement og bidrar ofte i den daglege drifta

Kvalifikasjonar

• Søkjar har relevant utdanning på minimum bachelornivå innanfor fag som leiing, økonomi, kultur og samfunn
• Søkjar har kunnskap om kultur, folkehelse, idrett og frivilligheit
• Søkjar har erfaring ifrå drift av kulturhus basert på omfattande sambruk, eller ifrå tilsvarande verksemd
• Søkjar har erfaring med og dokumenterte resultat ifrå leiing, økonomistyring, internkontroll og teamarbeid i offentleg sektor
• Søkjar har erfaring ifrå offentleg forvaltning og kommunal saksbehandling

Personlege eigenskapar

• Strategisk og handlekraftig med evne til å sjå heilheit og samanhengar
• Strukturert og løysingsorientert med vilje til endring og utvikling
• Trygg i krevande beslutningar og aktuelle omstillingsprosessar
• Evne til å bygge trygge relasjonar med medarbeidarar og kollegaer, og med samarbeidspartnarar, leigetakarar og publikum
• Kommuniserer tillitsfullt, opent og ærleg
• Samarbeider til det beste for fellesskapet og for samfunnsoppdraget

Vi tilbyr

• Introduksjonsprogram for nye ledere i Midt-Telemark kommune
• Lønn etter avtale
• Gode forsikrings- og pensjonsordningar

Søknad

Kopi av vitnemål og attestar lastas opp som vedlegg i webcruiter.

Kontakt

Hilde Kristine Pedersen, Einingsleiar, +47 95704048