Informasjonssikkerheitsleiar

Om stillinga

Universitetet i Bergen søker ein Informasjonssikkerheitsleiar (seniorrådgjevar) til IT-avdelinga. Stillinga er sentral for å vidareføre og utvikle arbeidet med informasjonssikkerheit i takt med endra trusselbilete og aukande krav til digital tryggleik.

Arbeidsoppgåver

• Leie arbeidet med informasjonssikkerheit inkludert IT-sikkerheit ved UiB og vere IT-direktørens rådgivar
• Leie gruppa for informasjonssikkerheit og personvern, som består av 8 tilsette inkludert leiar
• Følgje opp informasjonssikkerheit både innan etterleving av relevante lovar, reglar og retningslinjer, beskyttelse av våre system, infrastruktur og data, deteksjon av hendingar og oppfølging av desse, samt beredskaps- og informasjonsarbeid
• Se til at UiBs arbeid med informasjonssikkerheit er i samsvar med «beste praksis», under dette etterleving av NSMs «Grunnprinsipper for IKT-sikkerhet» og ISO 27001
• Utarbeide rutinar, reglement og planar og utføre generell sakshandsaming innanfor sikkerheitsområdet
• Skapa gode haldningar og syta for kompetanseutvikling innanfor IT-sikkerheit ved avdelinga og det resterande UiB

Den som blir tilsett kan få andre arbeidsoppgåver innan avdelinga sine arbeidsområde.

Kvalifikasjonar

• Søkjar må ha mastergrad innan relevant fagområde. Lang og relevant praksis kombinert med relevant etter- og vidareutdanning kan i nokre tilfelle kompensere for kravet om utdanning
• Relevant erfaring frå leiing eller erfaring frå koordinering av faglege team
• Kompetanse innanfor informasjonsteknologi og personvern, samt brei kjennskap og forståing til heile fagområdet
• Kjennskap til lovverk og forskrifter innan informasjonssikkerheit
• God skriftleg og munnleg framstillings- og kommunikasjonsevne på norsk og engelsk
• Erfaring med å handsame hendingar innan IT-sikkerheit og å delta i beredskapsarbeid vil vere ein fordel
• Erfaring frå eller god forståing av universitets og høgskulesektoren vil vere ein fordel
• Den som blir tilsett må kunne sikkerheitsklarerast på nivå HEMMELIG

Personlege eigenskapar

• Serviceinnstilt og opptatt av å finne løysingar
• Påliteleg og har integritet med tanke på å handtere fortruleg informasjon
• Sjølvstendig, strukturert og med høg arbeidskapasitet og gjennomføringsevne
• Nysgjerrig og med evne til å tileigne seg nødvendig kompetanse
• Evne til å samarbeide og dele kunnskap

Vi tilbyr

• Eit godt og fagleg utfordrande arbeidsmiljø
• Ein kunnskapsrik og engasjert organisasjon med deltaking i mange spennande aktivitetar og brei kontakt med brukarane ved universitetet
• Stilling som seniorrådgjevar (kode 1364) i årsløn kr. 850 000 - 1 050 000 i det statlege lønsregulativet, avhengig av tenesteansiennitet og kvalifikasjonar. For særleg kvalifiserte søkjarar kan det vere aktuelt å vurdere høgare løn.
• Medlemskap i Statens pensjonskasse
• Moglegheit for avtale om delvis heimekontor
• Gode velferdsordningar