Sjukepleiar ved Institutt for klinisk odontologi, Seksjon for oral kirurgi og oral medisin

Om stillinga

Det medisinske fakultet, Institutt for klinisk odontologi søker ein sjukepleiar (100 %) med tilsetjing så snart som mogleg. Stillinga er i Seksjon for oral kirurgi og oral medisin, som utdannar tannlegar og spesialistar i oral kirurgi. Arbeidsmiljøet er dynamisk og aktivt, og vi driv også med forsking, mellom anna på bruk av stamceller for å bygge kjevebein.

Ved tilsetting vert det kravd politiattest etter helsepersonelloven §20 a).

Arbeidsoppgåver

• Ta del i operasjonsverksemd og poliklinisk verksemd i studentklinikken og spesialistklinikken
• Omsorg for pasientar
• Rettleiing og undervisning av tannlegestudentar, tannpleiarar og spesialistkandidatar
• Ved behov delta i drifta av seksjonens sterilsentral

Det kan verte aktuelt å leggje andre oppgåver til stillinga.

Kvalifikasjonar

• Søkjar må ha utdanning og autorisasjon som sjukepleiar
• Relevant vidareutdanning er ønskjeleg, gjerne operasjonssjukepleiar
• Erfaring frå undervisning/rettleiing er ønskjeleg
• For søkjarar utan spesialutdanning vert det kravd relevant erfaring
• Erfaring med verksemd innan oral kirurgi/kjevekirurgi er ein føremon
• Søkjar må beherske norsk munnleg og skriftleg og kunne kommunisere godt

Personlege eigenskapar

• Er fleksibel og serviceinnstilt
• Har gode kommunikasjons- og samarbeidsevner
• Kan planlegge og utføre eigne arbeidsoppgåver sjølvstendig, effektivt og nøyaktig, samt kunne jobbe godt i team
• Har digital kompetanse og evne til å tileigne seg nye ferdigheiter
• Liker å delta i undervisning
• Er positiv, engasjert, uredd og fleksibel og som raskt kan setje seg inn i nye oppgåver

Vi tilbyr

• Spanande og utviklande arbeidsoppgåver i eit sterkt fagmiljø
• Løn er for tida kr 655 000 – 685 000 (kode 807). Løn er brutto per. år for ei fulltidsstilling i lønsregulativet til staten ved tilsetjing. For særleg kvalifisert søkjar kan det verte aktuelt å vurdere høgare løn.
• Medlemskap i Statens pensjonskasse
• Gode velferdsordningar

Kontakt

• Cecilie Gjerde, Førsteamanuensis, cecilie.gjerde@uib.no