Eigedomssjef i Austevoll kommune

Om stillinga

Eigedomssjef i Austevoll kommune er einingsleiar med ansvar for eigedom, veg og drift. Du vil ha overordna ansvar for økonomistyring, personalleiing og fag, og skal vere med på å utvikle den relativt nyetablerte eininga. Stillinga er ein del av samfunnsutvikling, ein av tre sektorar i kommunen, og inngår utbyggingsprosjekt, folkehelse, samfunns- og arealplan, byggesak, eigedomsforvaltning, drift og vedlikehald, brann og redning, kultur, idrett og frivilligheit.

Arbeidsoppgåver

• Eigedom-, veg- og hamneforvaltning
• Veg- og hamnemynde
• Drift og vedlikehald av kommunale bygg og anlegg, vegar og hamn
• Reinhaldstenester
• Bustadkontor
• Økonomi-, personal- og fagansvar for eininga
• Sikre heilskapleg ressursforvaltning og følgje kommunens system og prosessar for økonomiplanlegging, økonomistyring og rapportering
• Ansvar for kommunens eigedomsstrategi og oppfølging av denne
• Forvaltning av avtalar og kontraktar innan eigedomsområdet
• Forvaltning av kommunale tenestebilar

Kvalifikasjonar

• Relevant høgare utdanning, fortrinnsvis tekniske og eigedomsrelaterte fag. Lang og relevanterfaring kan erstatta utdanningskravet.
• Erfaring frå eigedomsdrift og -forvaltning
• Erfaring med leiing av fag, personal og økonomi
• Erfaring med prosjekt- og prosessleiing og utviklingsarbeid
• Førarkort klasse B

Personlege eigenskapar

• Ansvarleg, strukturert og initiativrik
• Målretta og sjølvstendig med god evne til å skape engasjement
• God rolleforståing
• Evne til å tenke heilskapleg, prioritere innsats og ha høg gjennomføringsevne
• Evne til å handtere komplekse oppgåver
• Samarbeidsorientert og god evne til å bygge relasjonar internt og eksternt

Vi tilbyr

• Ei spanande rolle og moglegheit til å etablere ei nyoppretta eining i Austevoll kommune
• Varierte og utviklande oppgåver i eit tenesteområde under utvikling
• Moglegheit for fagleg utvikling i eit godt og positivt fagmiljø
• Spanande utfordringar
• Løn etter kvalifikasjonar
• Delvis heimekontor og fleksibel arbeidstid
• Gode pensjons- og forsikringsordningar

Søknad

Send søknad og CV ved å klikke på knappen merka "Søk stilling" på denne sida. Det er søkar sitt ansvar å sørge for at alle relevante vedlegg er lagt inn innan fristen, som for eksempel attester og vitnemål. Dersom vitnemål, karakterutskrifter eller annan dokumentasjon ikkje er på eit skandinavisk språk eller engelsk, må søkar sjølv laste opp attesterte omsettingar. Ikkje send søknad på e-post til enkeltpersonar i kommunen.

Kontakt

For ytterlegare informasjon om stillinga kan du kontakte Mercuri Urval (MU) ved Gro Reinertsen, tlf 975 59058.