Psykologspesialist

Psykologspesialist

Kronstad Distriktpsykiatrisk Senter (DPS) held til ved Danmarksplass. Kronstad DPS er delt inn i fleire seksjonar, herunder to store allmennpoliklinikkar, ein gruppepoliklinikk og ein eigen seksjon for angstbehandling (B4DT).

Vi skal no erstatte to av våre psykologspesialistar i vårt Tidleg Avklaringsteam. Kvardagen i teamet består av å møte pasientar der det er uklart kva tilbod dei skal til, og vurdere deira føresetnad for å nyttiggjere seg behandling. Den som blir tilsett har som oppgåve å få klarleik i dette gjennom kliniske vurderingar og konsensusmøte.

Arbeidsoppgåver:

• Utgreiing, diagnostisering og behandling av tilviste pasientar.
• Spesialistansvar for pasientar der hovudbehandlar ikkje er spesialist.
• Rettleiing av studentar, psykologar og legar i spesialisering.
• Samarbeid med interne og eksterne instansar som NAV, skule og pårørande.
• Akuttarbeid og stabilisering ved behov.