Ungdomskoordinator med rådgivaroppgåver

Konfliktrådet er ein trygg møteplass for menneske som står på kvar si side av eit lovbrot, ei uønskt hending eller ein konflikt. Konfliktrådet forvaltar straffereaksjonane ungdomsstraff, ungdomsoppfølging og oppfølging i konfliktråd, og har eit særleg ansvar for unge i konflikt med lova.

Om stillinga

Konfliktrådet med kontorstad Stavanger søkjer no etter ein ungdomskoordinator med rådgivaroppgåver. Stillinga som ungdomskoordinator er ei lovregulert rolle med ansvar for gjennomføring av dei strafferettslege reaksjonane ungdomsstraff og ungdomsoppfølging.

Som ungdomskoordinator skal du setje saman og leie eit oppfølgingsteam rundt ungdommen og utarbeide ein ungdomsplan med tiltak som ungdommen forpliktar seg til å følgje. Dette arbeidet skjer i tett samarbeid med ungdommen, ungdommen sin verje, privat nettverk og offentlege instansar som politi, barnevern, skule, kriminalomsorg og helsetenester.

Arbeidsoppgåver

• Leie lokale koordineringsgrupper som bistår påtalemakta.
• Bidra til gjenopprettande prosessar gjennom heile straffegjennomføringa.
• Saksbehandling av meklingssaker og fagleg oppfølging av meklarar.
• Rettleiing i bruk av gjenopprettande prosess.
• Svare på brukarhenvendingar og drive utadretta verksemd.