Allmennmedisin

Har du lyst til å jobbe i eit fagleg engasjert miljø med gode arbeidstidsvilkår? Då er du kanskje vår neste overlege! Vi har ledig 100% fast stilling for overlege med spesialisering i allmennmedisin.

Om stillinga

Habilitering for vaksne (HAVO) er retta mot personar over 18 år med medfødd eller tidleg erverva funksjonsnedsetjing. Pasientgruppa har ofte samansette kognitive, medisinske og psykiske utfordringar. Som overlege i HAVO vil du mellom anna samarbeide med fastlegen om somatikk, vurdere medikamentbiverknader, redusere polyfarmasi, tilvise til genetisk utgreiing, diagnostisere og behandle lettare psykiske lidingar, søvnvanskar og smerte.

Arbeidsoppgåver

• Utgreiing, diagnostikk og behandling
• Råd og rettleiing til pasientar, pårørande og kommunehelsetenesta
• Tverrfagleg samarbeid
• Forsking og fagutvikling
• Kurs og undervisning
• Vurdere tilvisingar

Vi tilbyr

• Spennande utfordringar og oppgåver
• Opplæring og rettleiing
• Arbeidstid som lett kan kombinerast med familieliv (08:00–16:00)
• Godt arbeidsmiljø
• Fagleg utvikling, kurs og utdanningspermisjon
• Moglegheiter for hospitering