Lege i kliniske studiar

Vil du arbeide med kliniske studiar i eit internasjonalt leiande fagmiljø innan Parkinsons sjukdom, parkinsonismar og andre nevrodegenerative sjukdommar? Ved Neuro-SysMed senteret, ICoN (Innovation Center for Neuroresilience), og nevrologisk avdeling ved Haukeland universitetssjukehus lyser vi ut 1-2 særleg spennande stillingar for legar med interesse for kliniske studiar og nevrodegenerative sjukdommar.

Om stillingane

Vi søkjer etter dyktige og motiverte legar som ønskjer å arbeide med gjennomføring av kliniske studiar. Vi er opne for ulike løysingar:

• Ei 100% stilling knytt til Neuro-SysMed / ICoN, eller
• To 50% stillingar i kombinasjon mellom Neuro-SysMed/ ICoN og Nevrologisk avdeling.

Stillinga kan passe både for lege i spesialisering innan nevrologi og spesialist i nevrologi / overlege.

Arbeidsoppgåver

• Deltaking i planlegging og gjennomføring av kliniske studiar.
• Vurdering, inklusjon og oppfølging av studiedeltakarar.
• Kliniske undersøkingar og datainnsamling i forskingsprosjekt.
• Samarbeid med studiesjukepleiarar, prosjektkoordinatorar og forskarar.
• Bidrag til studieprotokollar, regulatoriske søknader og praktisk studieorganisering.
• Dokumentasjon og arbeid i tråd med gjeldande krav til kvalitet.