Barne- og ungdomsbibliotekar

Stad kommune har ledig 100 % fast stilling med oppstart hausten 2026. Vi leitar etter deg som er ein engasjert og utviklingsorientert formidlar, og som ivrar for å skape leselyst og leseglede blant born og unge!

Arbeidsoppgåver

• Inngå i den daglege drifta av biblioteket og dei bibliotekfaglege tenestene, inkludert skranketurnus, publikumsarbeid og litteraturformidling.
• Ha eit særleg ansvar for formidling og samlingsutvikling retta mot born og unge 0-19 år, både på og utanfor biblioteket.
• Ha ei sentral rolle i Stad kommune si satsing på skulebibliotek, som rettleiar og ressursperson, i tett samarbeid med skulesektoren.
• Besøkje skular, skulebibliotek og barnehagar jamleg.
• Skape leselyst og leseglede gjennom formidling, arrangement og utstillingar.
• Bidra til å gjere biblioteket til ein trygg og god møteplass.

Vi tilbyr

• Eit bibliotek i utvikling.
• Eit aktivt kulturkollegium med operahus, kino, kulturskule, kulturarv, frivilligsentralar og vidaregåande skule.
• Ein spanande, variert og meiningsfull arbeidskvardag.
• Løn etter tariff.
• Gode pensjons- og forsikringsordningar.