Fagsjukepleiar med tanke for utvikling!

Me søkjer etter ein fagsjukepleiar på Vindafjordtunet. Fyrste året vil du arbeide på avdeling Sør demenesomsorga medan avdelingsleiar er i fødselspermisjon for så å vera fagsjukepleiar for Vindafjordtunet institusjon når ho er attende.

Ein annan avdelingsleiar tek personalansvaret slik at du skal få konsentrera deg om fagutvikling og oppfølging i avdelinga. Me søker deg som er genuint interessert i eldreomsorg og som brenn litt ekstra for å heva kompetansen i tenesta!

Om arbeidsplassen:

Vindafjordtunet ligg i Nedre Vats og gir tenester til personar med demens og somatisk langtidsbebuarar. Me har pasientvarslingssystem inkludert Roommate og gode hjelpemidlar. Me har eige kjøkken som lagar mat til våre bebuarar samt ein tilsynslege i 50%.

Hovudarbeidsoppgåver:

Fagansvar avdeling Sør:

• Oppfølging av dokumentasjon.
• Sjå til at planar vert fulgt.
• Kjennskap til bebuarane, tiltak, oppfølging mm.
• Iverksette prosessar for å betre teneste, miljø osv.
• Kartlegge/halde oversikt over kompetansemuligheiter.
• Arbeidsplanar og IKOS.
• Fordela oppgåver i vaktbok.

Fagansvar på huset:

• Igangsette tilsette med å utarbeide planar der det er naudsynt.
• Oversikt over behov for kompetanseheving, tiltak, planar mm i samarbeid med avdelingsleiar.
• Kompetansekartlegging.
• Igangsette intern og ekstern opplæring.
• Oversikt og mottak av elevar og studentar samt fordele desse.
• Vera med å utarbeide kompetanseplanen for drifta.