Førebyggjande risikoanalytikar

Vil du bidra til å hindre og førebyggje alvorleg kriminalitet? Er du analytisk og liker å jobbe strukturert og systematisk? Vi søkjer deg som ønskjer å bidra til førebygging av vald i nære relasjonar for driftseining Sunnmøre i Møre og Romsdal politidistrikt.

Arbeidsoppgåver

• Utføre strukturerte risikovurderingar og førebyggjande tiltak i saker som omhandlar partnar- og æresrelatert vald ved bruk av dei ulike risikovurderingsverktøya.
• Koordinere og leie vurderingsmøter.
• Oppfølging av valdsutsette og valdsutøvar og samhandlande aktørar.
• Samarbeid med etterforskarar/juristar i saker som omhandlar vald i nære relasjonar.
• Gi rettleiing og bidra til å auke kunnskapen i organisasjonen og tverrfaglege samarbeidsaktørar.

Vi tilbyr

• Ei utviklande og meiningsfull stilling for deg som ønskjer å førebyggje kriminalitet.
• Fast stilling som politibetjent 3/2/1 i Møre og Romsdal politidistrikt.
• Medlemsskap i Statens pensjonskasse.
• Mogelegheit for trening i arbeidstida.