Jurist

Om stillinga

Vil du bidra til å utvikle og forvalte sentrale ordningar i velferdsstaten? Hos oss får du arbeide med juridiske problemstillingar og regelverksutvikling innan blant anna uføretrygd og hjelpemiddelområdet, i skjeringspunktet mellom politikk, juss og økonomi.

Vi har ledig ei fast stilling som jurist i seksjon for uføreytingar og internasjonale saker i Velferdspolitisk avdeling.

Arbeidsoppgåver

I seksjonen arbeider vi med regelverksavklaring og regelverksutvikling innan uføretrygd, grunn- og hjelpestønad og hjelpemiddelområdet. Vi har også ansvar for å koordinere internasjonale saker i avdelinga, mellom anna knytte til EU/EØS, Europarådet, FN, OECD og Nordisk ministerråd. I tillegg koordinerer vi FoU-arbeidet i avdelinga og har dialog med Arbeids- og velferdsdirektoratet om departementet sitt FoU-arbeid.

Du vil i hovudsak arbeide med avklaring av løpande juridiske spørsmål, særleg knytte til uføretrygd og hjelpemiddel, og samarbeide tett med økonomar i budsjettarbeidet. Arbeidet omfattar juridiske utgreiingsoppgåver, samt arbeid med lov- og forskriftsutvikling innan desse områda.

Kva får du hos oss?

Du blir ein del av eit sterkt fagmiljø med engasjerte og hyggelege kollegaar. Vi legg vekt på å gje ansvar og tillit, men òg rettleiing i eit godt arbeidsfellesskap. Du vil få nærleik til politiske avgjerder.