Ergoterapeut /Fagkonsulent med vidareutdanning eller erfaring

Spennande fagstilling for ergoterapeut i Habiliteringsavdelinga for vaksne (HAVO)

Habiliteringsavdelinga for vaksne (HAVO) er ein del av ReHabiliteringsklinikken. HAVO sine tenester er retta mot vaksne personar med medfødd eller tidleg erverva funksjonsnedsetjing. Personar med utviklingshemming utgjer den største pasientgruppa.

Stillinga som ergoterapeut er særleg retta mot personar med følgetilstandar etter skadar eller sjukdom i nervesystemet, som til dømes cerebral parese. Vi har eit eige tverrfagleg Team for motorikk og habilitering med ergoterapeut, fysioterapeut og overlege som arbeider tett saman. Det er primært i dette teamet ergoterapeuten vil ha sitt arbeid.

Arbeidsoppgåver

• Utgreiing og rettleiing knytta til ulike motoriske vanskar - primært arm- og håndfunksjon
• Gjennomføre håndmotoriske tester, gjere vurderingar og anbefale tiltak
• Rettleiing til pasient og personal/nærpersonar i tiltak
• Bidra i vidareutvikling av fagområde
• Bidra til gode løysingar i komplekse pasientsaker, i samarbeid med fleire instansar
• Kurs og undervisningsoppgåver internt og eksternt
• Koordinere helsehjelpen saman med overlege og fysioterapeuter