Miljørettleiar

Miljørettleiar

På Hauge oppvekst har vi ledig ei 100% mellombels stilling som miljørettleiar på Hauge skule for skuleåret 2026-2027.

Hauge oppvekst er eit oppvekstsenter som består av Stasjonen barnehage med tre avdelingar og Hauge skule som er ein barne- og ungdomsskule med 94 elevar. Vi er eit oppvekstsenter som jobbar etter PALS-modellen. Dette er med på å gjere oss gode i arbeidet med å skape eit trygt miljø for barn i barnehagen og elevar i skulen. Vi jobbar systematisk med felles reglar, ros og god klasseleiing. Inkluderande barnehage- og skulemiljø, psykisk helse og godt samarbeid med heimen er sentrale tema hos oss.

Arbeidsoppgåver

• Vere ein trygg og tilgjengeleg vaksenperson for elevane.
• Vere aktivt med i skulen sine førebyggande planar og arbeidet med elevane sine rettar til eit trygt og godt skulemiljø.
• Hjelpe til ved konflikthandtering og utfordringar med klassemiljø.
• Vere til stades for elevane i fellesareal og i friminutta.
• Motivere, rettleie og sette i gong aktivitetar og prosjekt.
• Samarbeide tett med pedagogar, elevråd, leiing og føresette.
• Vere ein del av skulen sitt PALS-team.
• Vere ein trygg vaksen i tilrettelagt opplegg for ungdom.