Medarbeidar - Unikt teater

Kommunane Klepp, Time og Hå samarbeider om teatergruppa Unikt teater, som er eit kultur- og fritidstilbud for unge med funksjonsheimming. Nedre aldersgrense er 13 år. Gruppa har i dag ca 20 deltakarar. Unikt teater har vore drive i meir enn 10 år og er eit populært tilbod for målgruppa. Teatergruppa har ei årleg førestilling.

Arbeidsoppgåver

Medarbeidaren skal, i samråd med leiar, bidra til god organisering av øvingane, vera med å skapa eit godt miljø og godt innhald på øvingane. Dette inkluderer å følgja opp deltakarane på øvingane, ha kontakt med pårørande og/eller tilsette i bustadar, samt diverse praktiske oppgåver i tilknytting til dette.

Kvalifikasjonar

• Utdanning innan eller erfaring frå dramaturgi eller liknande.
• Relevant utdanning og/eller erfaring frå miljøarbeid med målgruppa.
• Erfaring og ferdigheiter innan musikk, dans, produksjon av kostymer e.l.
• God datakunnskap.
• Førarkort for personbil.
• Gode norskkunnskaper - skrifteleg og munnleg.

Personlege eigenskapar

• Utadvendt og med gode evner til kommunikasjon og samarbeid med personar i målgruppa og andre involverte.
• Evne til å rettleia og leggja til rette for den enkelte deltakaren.
• Fleksibel, ryddig, selvstendig og ansvarsfull.
• Kreativ og med evne til å finna praktiske løysingar saman med andre.
• Engasjement og interesse for dramaaktivitet.

Vi tilbyr

Godt arbeidsmiljø og spanande utfordringar. Tilsetting skjer på dei vilkår og med dei plikter som kjem fram i utlysinga, og dei til ei kvar tid gjeldande lovar og reglar. Tilsetting på kommunale vilkår.