Avd.leiar Helse- og oppvekst/Tilrettelagt opplæring

Skulen har frå 1. oktober ledig 100 % fast stilling som avdelingsleiar for Helse- og oppvekst, tilrettelagt opplæring og elevtenesta.

Arbeidsoppgåver

• Pedagogisk leiing: Sikre kvalitet i undervisninga, følgje opp læreplanar og bidra til pedagogisk utviklingsarbeid. Setje opp timeplanar, romfordeling og organisere undervisningsressursar. Følgje opp elevar med behov, koordinere tiltak, samarbeide med rådgivarar og PPT.
• Personalansvar: Gjennomføre samtalar, setje mål og følgje opp trivsel og arbeidsmiljø. Fordele undervisningstimar og arbeidsoppgåver mellom lærarar. Delta i tilsetjingsprosessar og introduksjon av nye medarbeidarar.
• Administrativ drift: Følgje opp avdelingsbudsjett, bestillingar og ressursbruk. Sikre at rutinar, vurderingspraksis og dokumentasjon følgjer regelverk. Handsame klagar, vedtak og andre formelle prosessar.
• Samarbeid og kommunikasjon: Informasjon, møter og oppfølging ved behov. Jobbe med andre avdelingar, leiinga, eksterne aktørar og fagmiljø. Leie avdelingsmøte, delta i leiarmøte og koordinere faggrupper.
• HMS og elevmiljø: Følgje opp tryggleik, arbeidsmiljø og rutinar. Arbeide for eit trygt og inkluderande miljø, handtere konfliktsaker og mobbing.
• Ressursteam: Gjennomføre interne og eksterne ressursteam-møte saman med rådgivarar og OT/PPT. Vere med på å kartleggje behova til elevar og elevgrupper, og sikre dei tilpassa opplæring i samarbeid med lærarar ved skulen.

Kvalifikasjonar

Ein avdelingsleiar i vidaregåande opplæring må ha kvalifikasjonar som er i tråd med krav i opplæringslova, forskrift til opplæringslova og gjeldande læreplanverk.

• Undervisningskompetanse: Dokumentert fagleg og pedagogisk kompetanse i relevante fag.
• Kunnskap om regelverk og rettar: God kjennskap til opplæringslova, forskrift, forvaltningslova, offentleglova og krav til dokumentasjon, sakshandsaming og elevrettar.
• Digital kompetanse: Evne til å bruke digitale verktøy og system som del av leiing, administrasjon og pedagogisk utvikling.
• Leiingserfaring er ynskjeleg.

Vi tilbyr

• Eit aktivt og stimulerande fagmiljø.
• Gode høve til eiga læring og utvikling.
• Løn og lønsutvikling i tråd med tariffavtalen og Vestland fylkeskommune sin lønspolitikk.
• Gode forsikrings- og pensjonsordningar.