Lege i spesialisering innan fødselshjelp og kvinnesjukdomar

Vil du bli ein av 8 Leger i spesialisering på føde- og gyn. i Ålesund? Vi har ledig ei 100% fast stilling frå 15.09.26, og eit 100% vikariat i 6 mnd med oppstart etter avtale.

Seksjon for legar, gynekologi er ein del av Avdeling for kvinnesjukdomar, barnemedisin og habilitering. Det er ei mellomstor avdeling i nasjonal samanheng. Dette inneber at vi har dei fleste gynekologiske og obstetriske problemstillingane i vår avdeling, f.eks. risikograviditetar frå svangerskapsveke 26 og vi utfører mange typar gynekologiske operasjonar.

Arbeidsoppgåver:

• Visittgang ved gynekologisk sengepost og føde/barsel.
• Dagleg poliklinisk aktivitet med både gynekologisk og obstetrisk poliklinikk.
• Oppfølging av pasientar ved kreftavdelinga og kreftpoliklinikken.
• Operativ aktivitet ved operasjonsavdelinga og dagkirurgisk eining.
• Deltaking i 8-delt vaktordning.

Vi tilbyr:

• Sterkt tverrfagleg samarbeid.
• Ein inkluderande arbeidsplass.
• Løn etter gjeldande overeinskomstar.
• Medlemskap i god offentleg pensjonsordning og fordelaktige forsikringsvilkår.