Sjukepleiar – 80 % fast nattstilling

Vil du vera med og gje eldre ei trygg, verdig og fagleg god omsorg? Vi søkjer ein engasjert sjukepleiar til 80 % fast nattstilling i turnus ved Rosendalstunet med oppstart 1. september 2026.

Rosendalstunet ligg i vakre Rosendal ved Hardangerfjorden og har 60 plassar fordelt på langtidsopphald, demensomsorg og korttid/rehabilitering. Hos oss møter du eit sterkt fagmiljø med fokus på kvalitet, rehabilitering, demensomsorg og palliasjon. Vi arbeider tverrfagleg og tek aktivt i bruk velferdsteknologi i tenestene våre.

Nattenesta er organisert slik at sjukepleiar på natt utfører oppgåver både i institusjonen og i heimesjukepleia. Arbeidet omfattar mellom anna stell og tilsyn, faste tilsyn hjå heimebuande brukarar, samt handtering av alarmar og utrykkingar.

Arbeidsoppgåver

• Yta heilskapleg pleie og omsorg til pasientar
• Stell og tilsyn av pasientar både i institusjon og i heimesjukepleia
• Utføra faste tilsyn hjå heimebuande brukarar
• Delta ved utrykkingar og handtera alarmar, inkludert tryggleiksalarmar
• Legemiddelhandtering
• Dokumentasjon og oppfølging av tenestene
• Samarbeid med pasientar, pårørande og kollegaer
• Rettleiing av studentar og elevar