Postdoktor innan temaet turbulent nedblanding og medriving i brytande bølger

Ved Geofysisk institutt ved Universitetet i Bergen er det ledig ei stilling som postdoktor innan temaet turbulent nedblanding og medriving i brytande bølger. Stillinga er for ein åremålsperiode på tre år og knytt til WaveForce-prosjektet.

Om prosjektet

WaveForce er finansiert av Noregs forskingsråd og fleire norske selskap. Målet er å utbetre eksisterande modelleringsverktøy for oljesøl til havs ved å studere måling av bølger, og medriving av luftbobler og oljedråpar.

Arbeidsoppgåver

• Bidra til utvikling og utplassering av biletprosesseringssystem til analyse av brytande bølger.
• Bidra til analyse av bilde og utvikling av den opne analyseprogramvaren PyOPIA.
• Bidra til installasjon av eit stereokamerasystem for bølgemålingar ved OceanLab i Trondheimsfjorden.
• Delta i laboratoriearbeid i bølgerenner på medriving av oljedråpar i brytande bølger.
• Formulere modellar for storleiksfordeling og vertikal transport av bobler og dråpar.
• Nytte nye parameteriseringar av oljedråpefordeling i spreiingsmodellen OpenDrift.