Rådgjevar/seniorrådgjevar

Om stillinga og arbeidsstaden

Du er ein som ser behova til barna, forstår kor viktige trygge rammar er, og veit at gode fosterheimar kan endre liv. I Bufetat får du ei rolle i eit viktig samfunnsoppdrag, der innsatsen din bidreg til at barn og unge får tryggleik, tilhøyrsle og gode oppvekstvilkår.

Fosterheimstenesta Region vest har ledig to 100 % stillingar som rådgjevar/seniorrådgjevar. Den eine stillinga er fast og ligg i rekrutteringsavdelinga, medan den andre er eit vikariat i formidlingsavdelinga.

Arbeidsoppgåver

• Rekruttering av fosterheimar, inkludert planlegging og gjennomføring av rekrutteringsprosessar.
• Handsaming av tilvisingar om fosterheim i tråd med gjeldande rutinar.
• Samarbeid med barn, familiar, barnevernstenesta samt interne og eksterne aktørar.
• Informasjonsmøte og tett oppfølging av aktuelle fosterheimskandidatar.
• Fleksibel utføring av andre oppgåver i fosterheimstenesta ved behov.

Kva får du hos oss?

• Lønn etter statleg regulativ: Rådgjevar (kr 620 000 - 710 000) eller Seniorrådgjevar (kr 650 000 - 760 000).
• Medlemskap i Statens pensjonskasse med gode låne-, pensjons- og forsikringsordningar.
• Godt fagleg miljø og sosiale tiltak.