Rådgivar/Seniorrådgivar - samfunnstryggleik og beredskap

Rådgivar/Seniorrådgivar - samfunnstryggleik og beredskap

Statsforvaltaren i Møre og Romsdal søkjer ein engasjert rådgivar eller seniorrådgivar til å jobbe med samfunnstryggleik og beredskap. Den tryggingspolitiske situasjonen gjer dette fagfeltet stadig meir aktuelt, og du vil få ei sentral rolle i utviklinga av totalforsvaret i fylket.

Arbeidsoppgåver:

• Tryggingsadministrasjon i tråd med tryggingslova.
• Beredskapsplanlegging i samarbeid med nasjonale og regionale myndigheiter og kommunar, med særleg vekt på sivil-militært samarbeid.
• Oppfølging av risiko- og sårbarheitsanalyse (Fylkes-ROS) på regionalt nivå.
• Planlegging og gjennomføring av øvingar.
• Rettleie kommunar i kommunal beredskapsplikt og totalforsvar.
• Handsame saker innan samfunnstryggleik i plan- og byggjesaker.
• Evaluering og erfaringslæring etter øvingar og reelle hendingar.

Stillinga inngår i beredskapsteamet og kriseorganisasjonen til Statsforvaltaren, noko som inneber fleksibilitet og deltaking i vaktordning ved behov.