Spesialingeniør/ spesialbioingeniør med IKT fagansvar

Vi søker etter ein engasjert medarbeidar som fagansvarleg for vår IKT‑gruppe ved Avdeling for immunologi og transfusjonsmedisin (AIT). Gruppa består for tida av to tilsette og arbeidskvardagen inneber mellom anna IKT-hjelp og rettleiing, samt drift og utvikling av avdelinga sine fagspesifikke system.

Arbeidsoppgåver

• Fagleg leiing av medarbeidarar i IKT‑gruppa.
• Ansvar for fordeling, koordinering og oppfølging av arbeidsoppgåver i IKT-gruppa ved avdelinga.
• Representere avdelinga i lokale, regionale og nasjonale fagfora innan IKT.
• Rådgivande vedrørande IKT-løysingar og ved innkjøp av nytt utstyr.
• Rettleiing og opplæringsverksemd.
• Overordna ansvar for drift, vedlikehald, oppgradering og vidareutvikling av laboratoriets IKT‑system.
• Vere fagleg rådgivar for avdelingsleiinga i saker som omhandlar IKT, herunder strategi, drift og utvikling.
• Ansvar for at systemdokumentasjon for laboratoriets IKT‑løysingar er oppdatert og i henhald til gjeldande krav.
• Påse at arbeid innan IKT‑området blir utført i samsvar med verksemdas styringssystem for informasjonssikkerheit og personvern, samt gjeldande lover, føresegner og interne retningslinjer.
• Delta i dagleg drift, implementering og integrasjonar av tekniske instrument, mellomvare og anna driftsutstyr.
• Statistikk og rapporteringsarbeid.

Vi tilbyr

• Opplæring og innføring i oppgåvene vil bli gitt.
• Lønn i samsvar med gjeldande overeinskomst.
• Høgt fagleg nivå.
• Eit engasjert og godt arbeidsmiljø med kompetente medarbeidarar og utviklingsmuligheter.
• Stillinga er ei dagstilling.
• Gode pensjons- og forsikringsordningar.