Seksjonsleiar - digital innovasjon og operasjonalisering

Finanstilsynet søker ein framtidsretta leiar som vil ha ei nøkkelrolle i å utvikle og modernisere dei digitale løysingane våre. Som seksjonsleiar for digital innovasjon og operasjonalisering får du ei sentral rolle i å vidareutvikle Finanstilsynets digitalisering, frå strategiske føringar til konkret gjennomføring.

Ansvarsområde

• Leie, utvikle og følgje opp medarbeidarane og kompetansen til seksjonen.
• Sikre stabil og sikker drift av Finanstilsynets eigenutvikla applikasjonar.
• Drive fram sentrale digitaliseringstiltak og moderniseringsinitiativ.
• Prosjektstyring på tvers av teknologimiljøet, forvalte delar av IT-budsjettet, gjennomføre IT-anskaffingar og sikre god leverandørstyring.
• Samarbeide tett med fagavdelingar om behov, prioriteringar og gevinstrealisering.

Seksjonens fokusområde

• Utvikling og forvalting av felles løysingar og digitale tenester.
• Overgang til skybaserte løysingar.
• Koordinering av IT-utviklingsarbeidet på tvers av verksemda.
• Prosjektkontor med ansvar for anskaffingar, økonomistyring og avtaleoppfølging.
• Utvikling av metodar og rammeverk.