Vernepleiar/sjukepleiar 100% fast    med hovudvekt av langvakter

Om stillinga

Me er på jakt etter vernepleiar eller sjukepleiar som vil bli ein viktig del av arbeidsmiljøet me har i Hannesvegen bustader. Hos oss vil du ta del i utviklingsarbeid, systemarbeid samt vere sentral i tenesteytinga.

Du trivst med å arbeida strukturert og variert, og du er løysingsorientert når det oppstår uforutsette situasjonar. Me søkjer deg som likar ansvar, er fagleg engasjert og motiverast av å oppnå resultat gjennom samarbeid med andre.

Om oss

Hannesvegen bustader ligg sentralt på Manger, og er heimen til 3 tenestebrukere med ulikt funksjonsnivå og hjelpebehov. Målet er å gje tenester av god kvaltiet for å sikre ein best mogeleg kvardag for den einskilde.

Arbeidsoppgåver

• Primærkontaktansvar, koordinering og oppfølging av tenestemottakarar.
• Oppfølging av vedtak etter kapittel 9, dokumentasjon og evaluering.
• Medisinsk-fagleg ansvar, observasjon og legemiddelhandtering.
• Samarbeid med lege, spesialisthelseteneste og pårørande.
• Praktisk bistand og målretta miljøarbeid som skapar tryggleik og struktur.
• Utarbeiding, implementering og evaluering av tiltaksplanar.
• Fagutvikling, systemarbeid og rettleiing av kollegaer.

Me tilbyr

• Ein dynamisk og spanande arbeidskvardag med eit humørfylt og inkluderande arbeidsmiljø.
• 50 000 i rekrutteringstilskot mot signert bindingsavtale i 2 år for eksterne søkjarar.
• Løn i samsvar med dokumentert ansiennitet: 522 600 - 614 400.
• 9000 over tariff for vernepleiarar og 10 000 over tariff for sjukepleiarar.
• Gratis parkering.
• Årsturnus med hovudvekt av langvakter og arbeid 4. kvar helg.
• Gode forsikrings- og pensjonsordningar.