Overlege

Overlege

Vi søkjer no ein ny kollega som vil vere med å vidareutvikle eit heilskapleg og framtidsretta behandlingstilbod for ei kompleks pasientgruppe ved Klinikk sikkerheitspsykiatri. Klinikken er ein del av Divisjon psykisk helsevern i Helse Bergen.

Arbeidet i klinikken er prega av tett tverrfagleg samarbeid, med tid til rettleiing, faglege diskusjonar og fordjuping i pasientarbeidet. Vi legg stor vekt på langsiktige relasjonar, kontinuitet og stabilitet i behandlinga.

Arbeidsoppgåver

• Fagleg ansvar for pasientar ved Lokalt sikkerheitsnivå med hovudstilling i Sikkerheitspoliklinikken.
• Deltaking i inntaksteamet på Lokalt sikkerheitsnivå.
• Klinisk verksemd med utgreiing, diagnostisering og behandling av psykiske lidingar, valdsrisikovurderingar og handtering.
• Gje rettleiing til øvrig personell, kommune og andre samarbeidspartnarar.
• Delta i det tverrfaglege arbeidet ved klinikken, samt på tvers i divisjonen.