Er du sjukepleiar eller vernepleiar og brenn for eldreomsorg?

Er du sjukepleiar eller vernepleiar og brenn for eldreomsorg?

Vi har ledige stillingar med arbeid i turnus for engasjerte sjukepleiarar/vernepleiarar som vil vere med å bidra til utvikling av tenestene ved Luranetunet bu- og behandlingsenter.

Luranetunet bu- og behandlingssenter ser på ulike måtar å organisere arbeidet på for å sikre kvalitet i tenestene og ha rett kompetanse på rett plass. Som tilsett vil du få moglegheit til å bli kjent med alle avdelingar, noko som skapar varierande arbeidskvardagar, brei erfaring og kunnskap innan mange ulike område.

Kvifor jobbe ved Luranetunet?

• Store variasjonar i arbeidsoppgåver og gode muligheter for å bygge kompetanse.
• Luranetunet har eit lærande miljø med mange elevar, studentar og lærlingar.
• For fast tilsette sjukepleiarar og vernepleiarar i turnus, tilbyr Bjørnafjorden kommune eit tillegg i grunnlønn på kr. 25.000 over garantilønnstabellen.
• Gode vilkår for stønad til vidareutdanning.
• Godt arbeidsmiljø med kollegaer som støttar kvarandre.

Luranetunet bu- og behandlingssenter ligg berre nokre minutt frå Bergen og har 175 plassar fordelt på 2 korttidsavdelingar og 7 langtidsavdelingar, inkludert rehabilitering, behandling og avdelingar spesielt tilrettelagt for personar med demens.