PP-rådgjevarar

PP-rådgjevarar

Rettleiingstenestene i Bergensområdet (kontorstad i Åsane, sentrum og Nesttun) har ledig 3 faste stillingar i 100% frå 1. september 2026.

Rettleiingstenesta er ei brukarnær teneste i vidaregåande opplæring i Vestland fylkeskommune. Primæroppgåva til tenesta er å leggje til rette for at flest mogleg ungdomar og vaksne fullfører vidaregåande opplæring. Vi har eit nært samarbeid med skulane, kommunane, NAV og andre aktuelle instansar.

Arbeidsoppgåver

• Hjelpe skular på systemnivå ved å bidra til kompetanse- og organisasjonsutvikling for å betre opplæringa til elevane.
• Gje spesialpedagogiske og pedagogiske råd til skulen.
• Utarbeide sakkunnig vurderingar og sakkunnige uttaler knytt til PPT sitt mandat.
• Gjennomføre observasjon og kartlegging innan ulike lærevanskar.
• Arbeide førebyggande for å sikre gjennomføring i vidaregåande skule.
• Samarbeide tverrfagleg internt i tenesta og eksternt med våre samarbeidspartnarar.
• Gje rettleiing og arrangere kurs.

Vi tilbyr

Givande arbeid med ungdom og vaksne i vidaregåande opplæring i eit arbeidsmiljø med høg fagleg kompetanse. Løn etter avtale og gode pensjons- og forsikringsvilkår.