Bli leiar i tannhelsetenesta

Bli leiar i tannhelsetenesta

Vestland fylkeskommune har ansvar for den offentlege tannhelsetenesta i fylket. Vårt samfunnsoppdrag er å levere tenester av høg kvalitet til våre innbyggarar og dette løyser vi gjennom samarbeid, førebygging og god klinisk praksis.

God leiing av klinikkane er avgjerande for å sikre drift, effektiv ressursbruk og trygge arbeidsmiljø. No søkjer vi etter tre nye klinikkleiarar som vil vere med å styrkje oppdraget vårt gjennom engasjerande og framtidsretta leiing.

Arbeidsoppgåver

• Ansvar for personalleiing av dei tilsette, inkludert kompetanseutvikling, medarbeidaroppfølging og rekruttering.
• Byggje og vidareutvikle trygge og inkluderande arbeidsmiljø, med vekt på medverknad, samarbeid og kontinuerleg fagleg utvikling.
• Ansvar for budsjett og økonomistyring for eigne klinikkar.
• Sørgje for at vedtak, føringar og styringsdokument blir følgde opp og operasjonaliserte i den daglege drifta.
• Syte for at drifta er i tråd med lover og retningslinjer, og følgjer målsetnadane til Vestland tannhelseteneste.
• Sikre at klinikkane tilbyr tenester med høg fagleg kvalitet, god pasienttryggleik og profesjonell service.
• Som klinikkleiar vil du vere ein aktiv deltakar i områdeleiar si leiargruppe og bidra i strategiske utviklingsprosessar.