Likar du å finne gode løysingar og halde maskineriet i gang?

Likar du å finne gode løysingar og halde maskineriet i gang?

På Nortura sitt anlegg i Førde styrkjer vi no teknisk avdeling med ein ny industrimekanikar. Her blir du ein del av eit solid fagmiljø med brei kompetanse og lang erfaring, der vi saman jobbar for stabil drift og kontinuerleg forbetring av produksjonsanlegget.

Om teknisk avdeling

Teknisk avdeling består av eit allsidig fagmiljø med brei kompetanse innan fleire fagområde. Her finn du fagkompetanse innan mellom anna kjøleteknikk, automasjon, mekanisk vedlikehald, elektro, røyrarbeid og sveising.

Kvardagen er variert og omfattar oppgåver innan drift, vedlikehald, feilsøking og forbetring av tekniske anlegg. Fabrikken har ei rullerande teknisk vaktordning, og vi legg til rette for kurs og vidareutdanning som bidreg til å styrkje den samla kompetansen i avdelinga.

Arbeidsoppgåver

• Vedlikehald og reparasjon av produksjonsutstyr og mekaniske installasjonar
• Feilsøking på maskiner og prosessutstyr
• Utskifting og tilpassing av mekaniske komponentar
• Bidra i ombyggingar, modifikasjonar og tekniske forbetringar
• Tett samarbeid med produksjon og andre fagmiljø for å sikre stabil drift