100% stilling som sektorleiar for barn og familie

Ullensvang kommune etablerer no ein ny sektor for barn og familie (Familiens hus) i kjølevatnet av oppvekstreforma. Vi søkjer ein strategisk, relasjonell og utviklingsorientert leiar som vil få det overordna ansvaret for å byggje opp, drifte og omstille sektoren.

Arbeidsoppgåver:

• Fagleg og administrativt ansvar for helsestasjonstenesta, PPT, logopedkontoret, barnevernteneste, førebyggande tenester og ambulerande team.
• Personalansvar for verksemdsleiarar i eininga og tilsette i førebyggande tenester.
• Strategisk gjennomføring og samhandling for å bryte ned fagsiloar og sikre heilskaplege tenester.
• Brubygging og innovasjon mellom team og sektorar i kommunen.
• Kultur- og kapasitetsbygging med fokus på psykologisk tryggleik og læringskultur.