Søker du nye utfordringar som leiar?

Søker du nye utfordringar som leiar?

Tolletaten har ei viktig rolle som samfunnsbeskyttar, og samfunnsoppdraget vårt er å sikre etterleving av lover og reglar for grensekryssande vareførsel. Tolletaten søkjer seksjonssjef til ein nyoppretta seksjon for ekstern interessenthandtering i Vareførselsdivisjonen (VD).

Vi søkjer ein tydeleg og utviklingsorientert leiar som blir motivert av å ha ei sentral rolle i arbeidet med å sikre brukarfokuset i den kontinuerlege vidareutviklinga av den registrerte vareførselen. Seksjonen har ansvar for å ivareta og vidareutvikle kontakten med både samarbeidande myndigheiter og næringslivet.

Sentrale arbeidsoppgåver:

• Heilskapleg ansvar for å leie seksjonen både administrativt og fagleg.
• Personal- og leiaransvar for medarbeidarane i eininga.
• Samarbeide med andre einingar, utviklingsinitiativ og prosjekt internt i etaten, og med aktuelle eksterne samarbeidspartnarar.
• Bidra til å utvikle og sikre god brukardialog og samhandling med etaten sine eksterne interessentar.

Vi tilbyr:

• Moglegheit til å forme og utvikle ein nyoppretta seksjon.
• Eit tverrfagleg arbeidsmiljø med eit viktig samfunnsoppdrag.
• Lønn i spennet 840 000 – 920 000, med moglegheit for høgare lønn for særskilt kvalifiserte.
• Moderne kontorlandskap, fleksibel arbeidstid, og gode pensjons- og forsikringsordningar gjennom Statens pensjonskasse.