Kyrkjemusikar/Organist

Samnanger sokn søkjer kyrkjemusikar/organist til speling på gudstenester og kyrkjelege handlingar i Ådland og Haga kyrkje. Kyrkjemusikaren har hovudansvar for den musikalske verksemda i kyrkjene.

Kyrkjelyden ønsker at kyrkjemusikaren/organisten skal bidra til breidde og kvalitet i det kyrkjemusikalske arbeidet. Me ynskjer også at kyrkjemusikaren, ved høve, kan bidra til musikkliv retta mot til dømes born og unge i Samnanger kommune.

Arbeidsoppgåver

• Ansvar for den musikalske verksemda i kyrkjene: Planlegging og gjennomføring av gudstenester og kyrkjelege handlingar.
• Leia lovsongsteam/ musikkgrupper.
• Musikk ved institusjonsandaktar.
• Medansvar for å utrusta og rettleia frivillige medarbeidarar til kyrkjemusikalsk teneste.
• Forvalta og levandegjera eit allsidig kyrkjemusikalsk uttrykk som omfattar til dømes tradisjonell salmesong og moderne lovsong.
• Arbeida for breidde og kvalitet i det kyrkjemusikalske arbeidet.

Vi tilbyr

• Triveleg arbeidsmiljø.
• Varierte arbeidsoppgåver.
• Løn etter avtale i kyrkjeleg sektor (KA sitt tariffområde).
• Pensjonsordning i KLP.
• Stor grad av fleksibilitet.