Helsesjukepleiar ved Gol Helsestasjon – 100 % fast stilling

Helsestasjons- og skulehelsetenesta i Gol kommune består av eit tverrfagleg og kompetent team som dekkjer helsestasjon 0–5 år, skulehelseteneste på barne- og ungdomstrinnet, helsestasjon for ungdom, jordmorteneste og Helsestasjon for Ungdom (HFU).

Vi arbeider helsefremjande og førebyggjande med mål om å sikre tryggleik, meistring og god helse gjennom heile oppveksten. Vi er i ferd med å samorganisere og samlokalisere oss med andre førebyggjande tenester for barn og unge, mellom anna psykisk helse.

Arbeidsoppgåver:

• Arbeide med helsefremjande og førebyggjande tiltak for barn og unge.
• Gjennomføre helseundersøkingar, individuell oppfølging og vaksinering i tråd med nasjonale retningslinjer.
• Tett samarbeid med føresette, barnehage, skule, PPT, barnevern og andre relevante samarbeidspartnarar.
• Bidra til at tenesta følgjer lovverk og nasjonale faglege retningslinjer.
• Delta i tverrfagleg samarbeid internt og eksternt.