Glad i barn og leik, uteliv og omsorg?

Glad i barn og leik, uteliv og omsorg?

Ledig stilling som barne- og ungdomsarbeidar/assistent i 80% stilling ved Bjørgamarka barnehage. Stillinga er eit vikariat frå dags dato til ca. april 2027, med moglegheit for forlenging.

Bjørgmarka barnehage er ein treavdelingsbarnehage som ligg om lag 8 km frå sentrum. Me er opptekne av å skape gode og trygge dagar for borna, der leik og gode leikemiljø står sentralt. Me er mykje ute og nyttar Skogslottet i vår flotte Eventyrskogen.

Me legg vekt på godt samarbeid, open kommunikasjon, humor og trivsel i kvardagen. I år har me eit kommunalt satsingsområde med fokus på lesing.

Arbeidsoppgåver:

• Planlegga og gjennomføra leikar og aktivitetar.
• Delta ved daglege gjeremål som måltid, påkleding og stell.
• Vera ein god og varm vaksen og bidra til at barn får rike og varierte opplevingar, erfaringar og utfordringar i barnehagen.

Voss herad tilbyr:

• Gode vilkår for fagleg utvikling.
• Eit godt tverrfagleg og sosialt miljø.
• Yrkesskade- og gruppelivsforsikring.
• Gode pensjonsordningar.
• Løn etter kommunalt avtaleverk.