Er du medisin- eller sjukepleiestudent som ønsker relevant arbeidserfaring i studietida? Vi har ledige studentstillingar

Er du medisin- eller sjukepleiestudent som ønsker relevant arbeidserfaring i studietida?

Vi søker etter medisin- eller sjukepleiestudentar som ønsker å kombinere studie med relevant arbeid gjennom utdanninga. Stillinga er lagt opp etter ein karrieremodell på 4,5 til 6 år og inneheld arbeid ved einingar innan somatikk, rus og psykiatri. Rotasjon er basert på 1,5 - 2 år på kvar eining.

Arbeidsoppgåver

• I somatikken vil arbeidsoppgåvene i hovudsak vere praktisk arbeid, pleie og oppfølging av pasientar.
• I psykiatri og rus vil arbeidsoppgåvene i hovudsak vere pasientoppfølging med fokus på å skape gode relasjonar, og å motivere pasientar til å meistre problema sine på ein god måte.
• Delta i det daglege miljøarbeidet med pasientar og praktiske oppgåver delegert frå ansvarshavande.
• Stillinga føreset arbeid i 4 veker med 100% stilling under ferieavvikling ved sjukehuset gjennom tilsettingsperioden.

Vi tilbyr

• Fast 22% stilling via Bemanningssenteret med arbeidsstad ved ulike einingar i føretaket.
• 10 helgar i løpet av eit år som blir planlagd saman med leiar i årsturnus.
• Resterande timar er fleksible (ca 20 timar kvar månad) og blir planlagde i samarbeid mellom tilsett og leiar.
• Rotasjon på ulike avdelingar.