Brenn du for nettverk, automasjon og moderne infrastruktur?

Brenn du for nettverk, automasjon og moderne infrastruktur?

Helse Vest IKT leverer teknologi- og plattformtenester som understøttar spesialisthelsetenesta på Vestlandet. I avdelinga Sky bygger og vidareutviklar vi ei hybrid skyplattform som gir sjukehusa ei trygg, moderne og effektiv plattform for dagens og framtidas behov.

No søker vi ein nettverksspesialist som vil vere med å utvikle skyplattforma vår. Du blir ein del av Datasenter-teamet, som har ansvar for datasenter, nettverk, lagring og den underliggande infrastrukturen skyplattforma byggjer på.

Arbeidsoppgåver

• Ha ei sentral rolle i drift, forvaltning og vidareutvikling av datasenternettet.
• Automasjon av konfigurasjon og endringar.
• Vere fagleg rådgivar og drive arkitekturval og strategisk vidareutvikling av nettverksløysingane i datasentera.
• Arbeide med GitOps og kunnskapsdeling for å sikre effektive og standardiserte arbeidsprosessar.
• Drive kontinuerleg forbetring av IKT-sikkerheit innan nettverksområdet.
• Bidra til kompetansedeling, fagutvikling og vidareutvikling av eit sterkt nettverksfagleg miljø.