Administrasjonsleiar og sosialarbeidar – 100 % stilling

Likar du å kombinere struktur og orden med arbeid tett på menneske? Ønskjer du ein jobb der du får ansvar, tillit og høve til å gjere ein forskjell i unge menneske sine liv? Hos oss kombinerer du administrasjon (50 %) med sosialt arbeid (50 %) i eit levande folkehøgskulemiljø.

Arbeidsoppgåver - administrasjon

Som administrasjonsleiar vil du mellom anna ha ansvar for:

• Budsjettarbeid og økonomisk oppfølging internt og i samarbeid med rekneskapsførar
• Kontering og fakturering
• Utarbeiding og oppfølging av turnus for driftspersonale
• Ansvar for kommersiell drift, mellom anna utleige
• Oppfølging av internasjonale søkjarar
• Andre administrative oppgåver knytt til den daglege drifta av skulen

Arbeidsoppgåver - sosialt arbeid

Om lag halvparten av stillinga er knytt til sosialt arbeid og oppfølging av elevane. Du vil vere ein synleg og tilgjengeleg vaksenperson i skulemiljøet og bidra til tryggleik, trivsel og eit godt sosialt fellesskap. Arbeidet omfattar mellom anna:

• Tilsyn og sosialarbeid blant elevane
• Oppfølging av elevar og det sosiale miljøet ved skulen
• Bidra til å skape eit inkluderande, trygt og godt internat- og skulemiljø
• Delta i aktivitetar og andre oppgåver knytt til elevmiljøet
• Tilsyn inngår som ein del av stillinga, nokre helger må påreknast.

Vi tilbyr

• Ei variert stilling der du får kombinere administrativt ansvar med arbeid tett på elevane
• Eit godt arbeidsmiljø med engasjerte og dyktige kollegaer
• Høve til fagleg og personleg utvikling
• Eit kreativt og inkluderande miljø som verdset initiativ og samarbeid
• Gode pensjons- og forsikringsordningar
• Løns- og arbeidsvilkår etter gjeldande lov- og avtaleverk