RFT-terapeut

Om stillinga og arbeidsstaden

Ved RFT Sogn og Fjordane har vi ledig ei fast stilling som RFT-terapeut i 100% stilling. Vi søkjer no etter ein terapeut til teamet vårt for relasjonsfokusert familieterapi (RFT) i Sogn og Fjordane. Det er ønskjeleg at den som vert tilsett har arbeidsstad i Sogn-regionen.

Kva vil arbeidskvardagen din bestå av?

RFT-teamet består av fem terapeutar som arbeider tett saman om å planleggje og kvalitetssikre oppfølginga familiane får. Samstundes arbeider terapeutane sjølvstendig med familiane og har stor grad av fleksibilitet til å organisere det kliniske arbeidet. Møta blir som regel gjennomførte i heimane til familiane, og stillinga inneber difor ein del reising og bilkøyring.

Arbeidsoppgåver og ansvar

• Gjennomføre familieterapeutisk arbeid i tråd med den kliniske modellen for tiltaket.
• Koordinere det faglege arbeidet i enkeltsaker.
• Følgje og gjennomføre tiltaket sine kvalitetssikringsrutinar.
• Delta i opplæring og fast vekentleg rettleiing saman med teamet.
• Bidra til informasjonsarbeid om tiltaket ut mot kommunane.
• Bidra med behandlingsdata til NUBU si forsking og evaluering av metoden.

Kva får du hos oss?

• Grundig opplæring i RFT-modellen.
• Fast vekentleg rettleiing knytt til det kliniske arbeidet.
• Fagleg oppfølging og gode moglegheiter for utvikling.
• Dyktige og engasjerte kollegaer i eit godt fagmiljø.
• Medlemskap i Statens pensjonskasse.