Rådgjevar i seksjon for statsforvaltarar og berekraft

Om stillinga

Avdeling for forvaltningsutvikling har ei ledig stilling som rådgjevar i Seksjon for statsforvaltarar og berekraft. Vi søkjer ein rådgjevar som vil vere med å vidareutvikle styringa av statsforvaltarane og Statsforvalteren sine fellestenester.

Statsforvaltaren er staten sin represent i fylka, med 10 verksemder over heile landet. Dei utfører forvaltningsoppgåver for departementa, kontrollerer kommunane si verksemd og er klageinstans for kommunale vedtak. Digitaliserings- og forvaltningsdepartementet (DFD) har det administrative ansvaret for statsforvaltarane. I tillegg samordnar DFD departementa og direktorata som gir oppgåver til statsforvaltaren. DFD etatsstyrer også Statsforvaltarens fellestenester (STAF), som leverer tenester til statsforvaltarane.

I denne stillinga vil du få delta i etatsstyringa av statsforvaltarane og STAF. Du vil samarbeide tett med kollegaer i seksjonen og samstundes ha ein brei kontaktflate internt i DFD, mot andre departement og direktorat/tilsyn i styringa.

Arbeidsoppgåver

• Delta i etatsstyring av statsforvaltarane og STAF.
• Saksbehandling av budsjett- og økonomisaker for statsforvaltarane og STAF.
• Følgje opp Riksrevisjonssaker.
• Delta i utviklingsprosjekt som ein del av etatsstyringa.
• Delta i seksjonen sine andre styringsoppgåver.

Vi tilbyr

• Kompetanseutvikling i eit sterkt fagmiljø.
• Fleksibel arbeidstid, betalt overtid og sommar-/vintertid.
• Moglegheit for trening i arbeidstida.
• Medlemskap i Statens pensjonskasse med gode låne-, forsikrings- og pensjonsordningar.
• Eit aktivt sosialt miljø med mange tilbod til dei tilsette og eige bedriftsidrettslag.