Butikksjef -- Tysse Landhandel

Butikksjef -- Tysse Landhandel

Vil du ha ansvar for ein nærbutikk der god butikkdrift, personleg service og lokalt engasjement står i sentrum? Me søkjer ein engasjert og sjølvstendig butikksjef som vil ta ansvar for den daglege drifta og vera med og utvikla tilbodet vidare.

Dette er ei praktisk leiarstilling for deg som likar ein variert arbeidskvardag. Du vil vera aktiv i den daglege butikkdrifta og tett på kundane, samtidig som du har ansvar for økonomi, varebestilling, lager, bemanning og planlegging.

Dine viktigaste oppgåver

• Ansvar for den daglege drifta og gode kundeopplevingar
• Varebestilling, lagerstyring, vareflyt og utvikling av sortimentet
• Oppfølging av sal, kostnader, svinn, budsjett og resultat
• Planlegging og oppfølging av bemanning
• Oppfølging av den sjølvbetente butikkdrifta
• Koordinering og levering av matbestillingar
• Marknadsføring, lokale aktivitetar og vidareutvikling av tilbodet

Me tilbyr ei sjølvstendig leiarstilling med stor moglegheit til å påverka, ein variert arbeidskvardag, og ein arbeidsplass med ei viktig rolle i lokalsamfunnet.