Bli vår nye resepsjonssjef på Hotell Bondeheimen

Hotell Bondeheimen har halde til i Kristian IVs gate sidan 1913, eit kvartal frå Karl Johans gate. Hotellet har 145 rom, og på gateplan finn du serveringsstaden vår, Kaffistova. Hotellet er eigd av Bondeungdomslaget i Oslo, noko som gir oss ein eigar med langsiktig perspektiv. Vi er frittståande og har ingen kjede i ryggen.

Om stillinga

Resepsjonssjefen har det overordna operative, administrative og faglege ansvaret for resepsjons- og bookingfunksjonen. Stillinga rapporterer til hotelldirektøren og inngår i den operative leiargruppa.

Dine viktigaste ansvarsområde

• Overordna ansvar for kvalitet i resepsjonsdrift og gjestehandtering.
• Personalansvar for resepsjonistar og bookingmedarbeidar.
• Rekruttering, opplæring, vaktplanlegging, bemanning og oppfølging av timeregistrering.
• Overordna ansvar for bookingfunksjonen.
• Oppfølging av gjestetilbakemeldingar, omtalar og klager.
• Budsjett, prognose og resultat innanfor eige ansvarsområde.