Prosjektstilling (17 mnd.) - "Next generation research infrastructure for language and linguistics"

Prosjektstilling (17 mnd.) - "Next generation research infrastructure for language and linguistics"

Ved Universitetsbiblioteket i Tromsø, UiT Noregs arktiske universitet (UB) er det ledig ei mellombels stilling som prosjektmedarbeidar i prosjektet «Next-generation research infrastructure for language and linguistics: TROLLing 2030».

Vi søkjer ein resultatorientert og omgjengeleg pådrivar med ambisjonar om å bidra til å vidareutvikla TROLLing til eit påliteleg og framtidsretta arkiv for språkdata i verdsklasse.

Om prosjektet

Tromsø Repository of Language and Linguistics (TROLLing) er eit fagspesifikt arkiv for forskingsdata frå lingvistikk og språkfag. Det overordna målet med TROLLing 2030 prosjektet er å styrkja og vidareutvikla TROLLing, slik at det kan tilby det språkfaglege forskingsmiljøet eit moderne, påliteleg og fagspesifikt arkiv for forskingsdata.

Arbeidsoppgåver

• Kartlegging og analyse av brukarbehov og relevante krav, standardar og tilrådingar.
• Utforming av krav- og behovsbeskrivingar og tekniske kravspesifikasjonar.
• Utvikling og validering av testmetodar og prototypar.
• Utvikling og oppdatering av forvaltningsmodellar, policyar og rettleiingsressursar.
• Involvering av og samarbeid med forskingsmiljø.
• Formidling og promotering av prosjektaktivitetar og -resultat.