Serviceteknikar

Vestland fylkeskommune søker ein dyktig serviceteknikar til ei fast 100 % stilling ved IDI - Stab Tannhelse i Bergen. Som serviceteknikar får du ein variert kvardag med ansvar for teknisk utstyr ved 54 tannklinikkar i fylket, i tillegg til arbeid ved verkstaden vår på Melkeplassen.

Arbeidsoppgåver

• Service, montering, feilsøking og reparasjon av tannhelseutstyr som behandlingsstolar, autoklavar, kompressorar, sugemotorar og røntgenutstyr.
• Planlegging og gjennomføring av oppgåver både sjølvstendig og i samarbeid med andre teknikarar.
• Administrative oppgåver knytt til dokumentering og skriftleg oppfølging av utført arbeid.
• Reiseverksemd til tannklinikkar i heile Vestland fylke med eigen tenestebil.

Kvalifikasjonar

• Fagbrev som dataelektronikar (serviceelektronikar), bachelorgrad eller toårig fagskule innan elektronikk, eller tilsvarande relevant elektrokompetanse.
• Førarkort klasse B er eit krav.
• Godkjenning for reparasjon av elektromedisinsk utstyr er ein fordel; dersom du manglar dette, må du vere villig til å tileigne deg kompetansen.
• Du må meistre norsk språk godt, både skriftleg og munnleg.

Vi tilbyr

Vi tilbyr ein spanande kvardag i ei utviklingsorientert teneste med kontorplass i Vestlandshuset i Bergen sentrum. Du får løn etter avtale og gode offentlege pensjons- og forsikringsvilkår.

For spørsmål om stillinga, ta kontakt med stabsleiar Rieneke Schilperoort på 417 62 911 eller serviceteknikar Witold Osuch på 95 22 90 91.