Barnehagelærar i Eksingedalen oppveksttun avd. barnehage

Om stillinga

Vi har ledig 40 % vikariat for barnehageåret 2026/2027.
Ved Eksingedalen oppveksttun får du ein unik sjanse til å jobba som barnehagelærar i barnehagen. Her kjem du tett på både barn og elevar, og du kan vera med på å forma kvardagen deira. Barnehagen hos oss er nært knytt til skulen. Det er 4 barn i barnehagen og 11 elevar på skulen kommande år, og på oppveksttunet er vi saman om mange tema og arbeidsoppgåver. Vi brenn for skulehage, kultur, natur og friluftsliv, og brukar nærområdet aktivt i kvardagen. Her får både små og store utforska, læra og veksa saman – ute som inne.

Personlege eigenskapar

Du er ein påliteleg, open og ærleg person. Det er viktig for oss at våre tilsette er i barnehagen for barna si skuld, men òg er god til å samarbeide med kollegaer
Du er strukturert og interessert i å bidra til eit godt arbeidsmiljø
Du tek del i utviklingsarbeidet og halde deg fagleg oppdatert
Du er stabil og påliteleg, og bidreg til eit trygt og godt tilbod for barna og arbeidsmiljøet.
Du må vera ein god samarbeidspartnar som skapar tillit og god dialog med tilsette, barn og foreldre.
Vi oppmodar menn til å søka.
Godkjend politiattest og eigenerklæring om utanlandsopphald (tuberkulose) må leggast fram ved tilsetjing.

Vaksdal kommune tilbyr

• Gode pensjons- og forsikringsordningar
• Individuell oppfølging
• Gode moglegheiter for støtte til utdanning
• Løn i tråd med tariffavtale og kompetansetillegg