Stipendiat i Henrik Ibsens forfattarskap

Universitetet i Bergen søkjer ein motivert og fagleg sterk kandidat til ei stipendiatstilling i Henrik Ibsens forfattarskap ved Institutt for lingvistiske, litterære og estetiske studium (LLE). Stillinga er for ein åremålsperiode på fire år, med planlagd oppstart 01.01.2027.

Om stillinga

Stillinga opnar for søknadar om prosjekt om Henrik Ibsens forfattarskap som skal munne ut i ei doktorgrad i anten teatervitskap, nordisk litteraturvitskap eller allmenn litteraturvitskap. Av den fireårige perioden er 2,5 år sett av til sjølve doktorgradsprosjektet, medan 1 år er øyremerkt karrierefremjande arbeid (undervisning, formidling, administrasjon) og 0,5 år er sett av til ph.d.-programmets opplæringsdel.

Kvalifikasjonar

• Norsk mastergrad eller tilsvarande utanlandsk grad innan allmenn litteraturvitskap, nordisk litteraturvitskap eller teatervitskap.
• Søkjarar må kunne arbeide med Henrik Ibsens verk på originalspråket.
• Evne til å arbeide sjølvstendig og strukturert, kombinert med gode samarbeidsevner.
• Søkjarar må leggje fram ei prosjektskisse til eit forskingsprosjekt saman med ein framdriftsplan.