Koordinerande sjukepleiar for alvorleg sjuke og rehabilitering

Koordinerande sjukepleiar for alvorleg sjuke og rehabilitering

Koordinerande sjukepleiar skal ha ei sentral rolle i oppfølginga av pasientar med alvorleg sjukdom, og vere ein fagleg ressurs i både rehabiliteringsfasen, lindrande behandling og i den palliative fasen.

Stillinga skal bidra til heilskaplege, trygge og koordinerte tenester for pasientar og pårørande, på tvers av nivå og fagområde. Koordinerande sjukepleiar skal kartleggje behov, planleggje, koordinere og følgje opp pasientforløp, og sikre god samhandling mellom pasient, pårørande, fastlege, sjukehus, heimeteneste, institusjon og andre relevante samarbeidspartnarar.

Arbeidsoppgåver

• Koordinere og følgje opp pasientar med alvorleg sjukdom, rehabiliteringsbehov og behov for lindrande behandling.
• Vere ein fagleg ressurs i rehabiliteringsfasen og i palliativ fase.
• Sikre god samhandling mellom pasient, pårørande, fastlege, sjukehus, heimeteneste og institusjon.
• Delta i tverrfagleg samarbeid og koordinere tiltak for pasientar med samansette behov.
• Rettleie og støtte kollegaer i oppfølging av alvorleg sjuke pasientar.
• Bidra til fagutvikling, kvalitetsarbeid og vidareutvikling av tenestene.