Fagkonsulent/ vernepleiar med vidareutdanning eller erfaring

Vil du arbeide med kompleks habilitering i spesialisthelsetenesta? Spennande fagstilling i Habiliteringsavdelinga for vaksne (HAVO).

Habiliteringsavdelinga for vaksne er ein del av ReHabiliteringsklinikken. HAVO gir tenester til vaksne med medfødd eller tidleg erverva funksjonsnedsetting. Oppfølginga av pasientar skjer ofte i tett samarbeid med kommunale tenester, pårørande, psykisk helsevern og andre einingar i spesialisthelsetenesta.

Dei sentrale arbeidsoppgåvene i HAVO er utgreiing, rettleiing og behandling, samt vurdering og rådgiving i tråd med Helse- og omsorgstenestelova kapittel 9. Arbeidet vil i hovudsak vere retta mot personar med utviklingshemming og autismespekterforstyrringar, som i tillegg kan ha psykiske helseutfordringar og åtferd som utfordrar.

Arbeidsoppgåver

• Utgreiing og rettleiing knytta til ulike åtferdsutfordringar og psykiske helseplagar
• Rettleiing i miljøterapeutiske tiltak
• Bidra i vidareutvikling av fagområde
• Behandlingsplanar
• Bidra til gode løysingar i komplekse pasientsaker
• Tverrfagleg arbeid med andre fagkonsulentar, psykolog og legar
• Bistand til kommunar ved utarbeiding av tiltak etter Helse- og omsorgstenestelova Kap. 9
• Kurs- og undervisingsoppgåver intern og eksternt

Vi tilbyr

• Varierte og spennande oppgåver
• Tverrfagleg samarbeid
• Fagutvikling og mentordning
• Stabilt og triveleg arbeidsmiljø
• Fleksitidsavtale (dagtid, fri høgtidar)
• Gode parkeringsforhold