Pedagogisk leiar i Vinjar barnehage avdeling Nesflaten

Me ønskjer deg som set borna i fokus.

Om oss

Suldalsbarnehagane er fem ulike barnehagar, frå mindre barnehagar med minstetal 6 plasser, til oppvekstsenter og større einingar med over 80 plasser - alle med sine eigne kvalitetar. Avd. Nesflaten er den minste avdelinga i Suldalsbarnehagane lokalisert i bygda Nesflaten, denne avdelinga er ein del av Vinjar barnehage på Suldalsosen.

Me jobbar saman mot målet: «Alle barn og unge i Suldal skal kvar dag oppleva meistring i eit inkluderande og trygt oppvekstmiljø som fremjar livslang læring»

Som pedagog hos oss jobbar du tett på borna, kollegaene og lokalsamfunnet. Du ser raskt verknaden av arbeidet ditt, og du er med på å påverka kvardagen til barn og unge i Suldal.

Kven ser me etter?

• Du har godkjent barnehagelærarutdanning.
• Du planlegg og gjennomfører aktivitetar som vekker nysgjerrigheit, motivasjon og utvikling hos borna.
• Du bidreg til eit inkluderande og støttande miljø der alle born blir sett.
• Du er god på å variere metodar og er løysingsorientert for å møte ulike behov.
• Du samarbeider godt med kollegaer, føresette og andre.
• Du er engasjert i borna sin kvardag og deltek aktivt i barnehagen sine faglege og sosiale aktivitetar.

Kraftlaget – kva får du hos oss?

• Arbeidsmiljø med velferdsutval som arrangerer sommarfest, fjellturar og andre sosiale samlingar.
• Fleksibilitet og ekstra lønnstillegg for pedagogar.
• Utviklingsmoglegheiter gjennom vidareutdanning og kompetanseheving.
• Gode løns- og tilsetjingsvilkår over tariff.
• Bedriftshelseteneste.