Seljar

Har du hjarte for VA og lyst til å skape resultat saman med oss? Vi styrkjer laget og søkjer ein framoverlent seljar til VA-avdelinga vår. Vi ser etter deg som kjenner VA-bransjen frå innsida – gjerne med erfaring frå grøfta, montering eller prosjektgjennomføring – og som ønskjer å bruke kompetansen din til å skape verdi for kundar og vidare vekst saman med resten av laget.

Hjå oss er beslutningsvegane korte, kollegaene jordnære og ambisjonane høge.

Kva skal du gjere?

Som seljar i VA-avdelinga blir du ein viktig bidragsytar i vidare utvikling av marknaden vår. Du vil mellom anna:

• Følgje opp eksisterande kundar og prosjekt
• Oppsøkje nye kundar og skape nye forretningsmoglegheiter
• Utarbeide tilbod og forhandle fram gode løysingar
• Vere ein fagleg sparringspartnar for entreprenørar, kommunar og rådgjevarar
• Bidra til vekst og lønsemd i marknaden vår

Kven er du?

Vi trur du kjenner deg att i fleire av desse punkta:

• Du har erfaring frå VA-bransjen, gjerne frå grøfta eller montering av VA-anlegg
• Du har forståing for korleis prosjekt blir planlagde og gjennomførte
• Erfaring frå prosjektleiing, kalkulasjon eller sal er ein fordel
• Du er utadvendt, sjølvstendig og flink til å byggje relasjonar
• Du trivst med kundekontakt og motiverast av å skape resultat

Relevant erfaring er viktigare enn formell utdanning. Vi er først og fremst på jakt etter ein person som kjenner bransjen, forstår kundane sine behov og ønskjer å vere med på å utvikle Førde Sementvare vidare.

Kvifor velje Førde Sementvare?

Hjå oss får du:

• Ei sentral rolle i ei sterk og framtidsretta bedrift
• Eit godt arbeidsmiljø med dyktige og engasjerte kollegaer
• Stor grad av fridom og ansvar
• Moglegheiter for fagleg og personleg utvikling
• Konkurransedyktige vilkår