Leiar for interkommunalt tilsynskontor for spreidde avløpsanlegg

Kommunane Bykle, Valle, Bygland og Evje og Hornnes etablerer no eit felles interkommunalt tilsynskontor for spreidde avløpsanlegg. Tilsynskontoret blir organisert som eit vertskommunesamarbeid med Bygland kommune som vertskommune.

Vi søkjer ein engasjert og fagleg sterk leiar som skal byggje opp og leie det nye tilsynskontoret i ein viktig etableringsfase, og vidare sikre profesjonelt og heilskapleg tilsyn og saksbehandling innan avløp og forureining.

Arbeidsoppgaver

• Leiing og personalansvar for medarbeidarane ved kontoret.
• Fagleg ansvar for tilsyn etter forureiningsforskrifta.
• Saksbehandling etter forureiningslova og forureiningsforskrifta, inkludert pålegg, vedtak og oppfølging.
• Utarbeiding og oppfølging av tilsynsplanar, årlege prioriteringar og rapportering.
• Dialog og rettleiing overfor anleggseigarar, konsulentar og entreprenørar.
• Budsjettoppfølging og forvaltning av sjølvkostfinansiert gebyrordning.